Ua faailoa mai e leoleo i Tonga le ofoina o se vaegātupe e 5 afe paanga poo le $3,400 tupe Niu Sila mo ni faamatalaga e ono maua ai ni alii se to’alua na sosola ese mai le falepuipui, e to’atasi le alii Niu Sila ma le isi o le Fiti.
Ua faailoa e le RNZ o Luiaki Kokohu VI e 35 tausaga le matua, o se alii Niu Sila ae tupuga mai Tonga, ma le isi alii o Adam Hussein e 35 foi tausaga le matua, ae o se alii Fiti.
Atoa ai ma se isi alii e 16 tausaga le matua, na sola ese mai le vaaiga a leoleo i le ofisa i Nukualofa.
Ta’ua i le lipoti o le alii lea o Kokohu e iai lamatiaga ogaoga e fua i ana soligatulafono, ma e ta’i 5 afe paanga ua ofoina mo le maua o le tagata e to’atasi.
Ua lapata’ia tagata lautele ia aua ne’i afea i la’ua ia pe a silafia ae ia logo vave leoleo.
Puna o Faamatalaga: https://www.rnz.co.nz/news/pacific/782221/tonga-police-put-up-bounty-for-new-zealander-and-fijian-who-escaped-custody
