Ua ave e leoleo su’esu’e se taavale taugatā o le ituaiga o le SUV ma o latou pu’eina ni tagata se to’atolu i le mae’a o le latou osofa’iga na faia i le itu i Sisifo o Sini e iai lona sootaga i le faalavelave na fanaina ai se alii fai taavale Jack Cheung.
O su’esu’ega i le vaiaso nei ua aga’i ai leoleo faa’au’upegaina i se nofoaga i le itu i Saute o Wentworthville lea na pu’eina mai ai alii e to’alua ma se tama’ita’i i le po anapo.
Fai mai na maua ai ma se isi foi taavale taugatā o le Porsche i sa’iliga a leoleo lea la ua ave nei e faia iai su’esu’ega.
Fai mai na ave uma le to’atolu i le ofisa o leoleo i Granville ae molia ai loa le alii e 66 tausaga le matua i le umia o se taavale gaoia ma fuālaau faasāina.
E le’i mafai ona toe tatala i tua ma o le asō e tula’i ai i le faamasinoga i Paramatta.
Puna o Faamatalaga: https://www.nine.com.au/australia-news/nsw/luxury-car-seized-in-raid-and-man-charged-following-fatal-sydney-underworld-hit-20260717-p60g43.html
