Ua mautu mai le faaiuga ma o se tala faanoanoa mo le Moana Pasefika, o le a le toe aofia i le taamilosaga o le Super Rugby Pacific i le tausaga fou 2027 ma ua faamaonia lea e le NZ Rugby.
E ui i taumafaiga sa iai e faatumauina pea le kalapu i le taamilosaga peitai ua le manuia. I se pepa o faamatalaga mai le NZ Rugby pei ona lipotia i le RNZ ua faailoa ai lea faaiuga ona e lei mafai e bidders poo i latou sa tauofo ona faamalieina fuafuaga tau le pisinisi ma mea e manaomia e faamautu ai le laisene o le kalapu.
O lona uiga o le tausaga fou o le a na o le 10 au o le taamilosaga. Fai mai le ofisa sili o tupe a le NZR Chris Kinraid, o loo matala pea le avanoa i tua atu ole 2027 ma ole a tatala pea le faitotoa mo se au e faamautu i le pasefika.
Ua faailoa ile lipoti lava lea le le fiafia o le ofisa sili o le Kanaloa Consortium, Tracy Atiga ile faaiuga ae faapea foi i le peresetene ole Iuni lakapi a Tonga, o le palemia foi lea Lord Fakafanua, fai mai a ia o se aso faanoanoa i le vaai atu i le tulaga ua iai le Moana Pasefika.
Puna o Faamatalaga: https://www.rnz.co.nz/news/pacific/618690/decision-made-no-more-moana-pasifika-in-super-rugby-pacific-from-2027
