Ua saunoa le failautusi o le puipuiga a Amerika o Pete Hegseth o le taua ma Iran ua oo atu lona tau i le $37.5 piliona ua faaalu ai a le malo tele.
Ua ta’ua i lipoti a le CNN e manatu nisi e tele le silafia i le matāupu lenei, e telē atu le tau sa’o e tatau ona iai.
O faamatalaga ia ua agiga i luma o le Konekeresi sa fesiligia ai le alii failautusi ma le ta’ita’ifono o le faauluuluga o le aufaigaluega a le Fale Pa’epa’e, Dan Caine ina ua la aga’i ane e sa’ili se isi fesoasoani tau tupe faaopoopo mo le faatupeina o le taua o loo faaauau pea.
O lapata’iga a Trump o loo faia pea ua ta’ua ai o le a osofa’ia e Amerika nofoaga e pei o le Pickaxe Mountain, e talitonuina o se nofoaga i lalo o le palapala, underground, o loo koneti i le polokalame faaniukilia a Iran.
Peita’i ua mae’a faailoa ane foi faamatalaga mai ia Iran, o soo se osofa’iga e faia e Amerika i le nofoaga lea o le a vaai iai Iran o se faalauteleina lea o le taua i lea itulagi.
Ua faailoa ane foi e Kuwait, Bahrain ma Jordan lo latou faalavelaveina o osofa’iga o loo fai atu i o latou atunuu mai ia Iran ma ua lapata’ia foi e le Houthi Forces i Yemen lea e lagolago e Iran, vaa mai Saudi Arabia ina ia taofia le faaaogā o le Red Sea.
O loo faaauau pea le taua i Iran a o tālia ai se tali a le Konekeresi a Amerika i se tupe faaopoopo mo le taua.
Puna o Faamatalaga: https://edition.cnn.com/2026/07/21/world/live-news/iran-war-trump
