O le faamasinoga o le Peresetene sa iai talu ai o Venezuela o Nicolas Maduro ma lona to’alua o Cilia Flores ua faatulaga nei i le aso 1 o Iuni 2027 e pei ona faia iai le faai’uga a se faamasinoga i le vaiaso nei.
O Maduro na pu’e mai e vaegā’au a Amerika mai lo la fale i le laumua o Venezuela o Caracas ma ave ane ai loa i Niu Ioka e tali i moliaga tau ‘au’upega ma fuālaau faasāina lea o loo la tetee pea iai.
O loo finau ane le loia a Maduro o loo iai le puipuiga o le sovereign immunity mo ta’ita’i o atunuu e lē tatau ai ona ave i luma o se faamasinoga.
Ua faailoa e le BBC sa vaaia se ‘au tetee faasaga ia Amerika i fafo mai o le potu faamasino i le aso ananafi a o tuuina ane le poloa’iga a le faamasino mo le aso o le a faataunuu ai le faamasinoga o Maduro ma lona to’alua.
O isi foi tetee i lea lava nofoaga o tagata Venezuela lava, latou te lagolago le faasalaina o Maduro, fai mai a latou o Maduro o se tagata solitulafono ua faaleagaina atoa Venezuela.
Puna o Faamatalaga: https://www.bbc.com/news/articles/cr5936455gmo
