Ua faaulu e se sui faipule i le Konekeresi se tulafono e faamuta ai le okometi ona maua o sitiseni Amerika mo le to’atele o tagata e soifua ane i le Commonwealth of the Northern Marianas faapea Guam ma isi teritori o Amerika e amata atu i le tausaga fou 2027.
O sea gaioiga ua matua’i tetee iai nisi aemaise o nisi o kulupu faufautua tau aiā tatau. o le tulafono lea ua faaigoa End of Birthright Citizenship for Territories ua faaulu ane e le sui o le Republic mai Virginia o Morgan Griffith, ma o le a suia ai le tulafono o loo iai ma o lona uiga o le a lē mafai e tagata e fananau pe soifua ane i Puerto Rico, Guam, Virgin Islands, Northern Marianas ona toe avea o ni sitiseni o Amerika e amata i le aso 1 o Ianuari 2027.
O le taimi nei ua mae’a ona faaulu le pili lea i le House of Representatives ae e le’i avea ma tulafono ma e tatau ona sainia e le Peresetene a o le’i faamamaluina.
Puna o Faamatalaga: https://www.rnz.co.nz/news/pacific/768303/cnmi-pushes-back-against-us-birthright-citizenship-bill
