Ua folafola mai e le atunuu o Nauru a latou fuafuaga e faatū se ofisa o lo latou atunuu i Isaraelu.
Ua lipotia e le RNZ faamatalaga a le Kapeneta a Vanuatu ua o latou ioeina ai le auina atu o se aumalaga i Isaraelu mo le iloiloina o vaega uma e faatatau i lea fuafuaga.
Ua faailoa i le lipoti o le faatūina o se ofisa o Nauru i Isaraelu o le a fai ma faailoga o le faalautele atu o upufai a le malo aemaise o le mulimulita’i i le faalauteleina o ana faiga faapā’aga faavaomalo e lagolago ai i le atina’e o le atunuu ma le galulue faatasi ma isi.
E lē o ta’ua i le pepa o faamatalaga mai le malo poo fea tonu le aai o Isaraelu o le a faatū ai le ofisa, ae fai mai le Minisita o le Va i Fafo a le atunuu, Gideon Saar, o Ierusalema.
Fai mai le Matāgaluega o le Va i Fafo a Isaraelu, e atoa ai ia Nauru le 10 o ofisa faapea i Ierusalema, o isi atunuu mai le Pasefika o loo iai ofisa i Ierusalema e aofia ai Fiti ma Papua ae faailoa foi e Saar i le masina o Ianuari e pei ona ta’ua i le lipoti, o le tausaga nei o le a tatala ai foi ma le ofisa o Samoa i Ierusalema.
Puna o Faamatalaga: https://www.rnz.co.nz/news/pacific/775610/nauru-s-government-announces-plans-for-embassy-in-israel
