O lea ua lipotia i le asō e le BBC le tuuina ane e le faigāmalo a Donald Trump o le faaaliga mulimuli o fuafuaga mo le faamamaluina o tulafono fou ua faia mo tamaiti a’oga mai atunuu i fafo poo foreign students e aofia ai ma le faasāina o i latou mai le nonofo i Amerika mo le silia i le 4 tausaga se’i vaganā ua iai se faatagana mai le faigāmalo.
Ta’ua i le lipoti o le agavaa lea e sui ai le polokalame faalea’oa’oga e auai ai ma transfer i le va o Iunivesite ma kolisi o le a faasāina foi.
O le faiga faavae lea o le a amata faamamalu ia Setema ma e lē o fiafia iai le asosi o pulega tau a’oa’oga faavaomalo le Association of International Educators.
Fai mai le sooupu mai le ofisa o le Homeland Security, mai le tele o tausaga ua tuana’i sa faataga lava ona aga’i ane tamaiti a’oga mai fafo e nonofo i Amerika mo se taimi e lē faatapulaaina ma o le to’atele ua o latou soona faaaogā lē tatau ia avanoa e aofia ai ma le soona lesitala i courses ina ia ‘alofia ai le toe oese mai Amerika.
Puna o Faamatalaga: https://www.bbc.com/news/articles/czdmp87rpv1o
