O le vaiaso talu ai na faamaonia ai le tauaveina e le alii Samoa, Dave Letele o le kamupani ua faaigoaina o le NZ Muscle, ae ua faate’ia le to’atele i le faasalalau faalaua’itele ai e le alii lona faamavae poo lona toe faamaamulu mai lona tauaveina o le NZ Muscle.
Faamauina i le faasalalauga a Dave i luga o upega tafa’ilagi, na ta’ua ai sa ia ulufale atu i le kamupanī ma lona faanaunauga e fesoasoani atu i le kamupanī i tulaga o loo iai, ma tali i nisi faafitauli o loo fetaia’i ma i latou.
Ae peita’i ua faaalia e Dave Letele, e ui i sona taumafai ae ua ia iloa lava e leai se mea e mafai ona ia faia, e tali atu ai i le tulaga o loo iai, ma ia faapea ai loa, e sili lona toe solomuli ese mai lea tulaga.
Na ia tuu mai ai foi faamanuiaga i le NZ Muscle ma le pulega, ma ia faailoa ai o loo iai lava tagata o loo taumafai malosi ina ia lelei atoatoa lea pisinisi.
Mo le silafia na ulufale atu Dave Letele i lenei kamupanī, ma le faamoemoe ina ia toe faaolaola le pisinisi, faamautū galuega a tagata faigaluega e 35 ma ia faaauau pea le gaosiga o oloa i totonu o Niu Sila.
Na ia faafetaia i latou uma na lagolagoina o ia ma faasoa ona lagona ia manuia le aufaigaluega a le NZ Muscle.
Puna o Faamatalaga: https://www.facebook.com/share/p/1DHB9BEtTV/
