Ua faalēaogāina ma ua taofia nei e le a’oga o Papatoetoe Intermediate fuafuaga na faataatitia mo tolauapiga (school camp) a fanau a’oga ona ua lē gafatia e le to’atele o mātua le tau.
Faamauina i ripoti mai le leitio faavaomalo a Niu Sila, o lea ua vaaia le siitia mai o le tupe e tuuina atu e le tamaitiiti a’oga mo lea faamoemoe, pe tusa lea ma le $240 aga’i atu i le silia ma $350 tālā mo le tamaitiiti e to’atasi.
Faailoa o nei siitaga e māfua mai le tau o le suāuu ma le penisini i vaega e faimalaga atu iai ma tau o nofoaga e nonofo ma api ai, e faapea foi totogi o le aufaigaluega.
Ta’ua e na o le 160 fanau aoga mai le silia ma le 750 na mafai ona resitala, ma ua lē mafai ai e le a’oga ona faaauau le polokalame.
Na saunoa le pulea’oga, Pauline Cornwell, o le to’atele o tamaiti e mai aiga e lē lava le tupe maua mo le tele o fuafuaga (low income families).
Ua ta’ua foi e ta’ita’i o a’oga i Niu Sila, ua to’atele a’oga ua faaitiitia pe faalēaogāina tolauapiga nei ona o le taugatā tele o le soifuaga.
Puna o Faamatalaga: https://www.rnz.co.nz/news/education/771967/auckland-school-forced-to-cancel-school-camp-as-families-unable-to-afford-it
