Ua faamaonia mai e le faleoloa a le Woolworths NZ, o loo tumau pea le faatauina atu o fuāmoa i o latou lālā ma o loo lava ma totoe mo le faatauga a le mamalu lautele; e ui o loo faailoa mai tulaga o le ono aafia ai o manulele ma moa i le faama’i o le H5N1 bird flu.
Mo le silafia o le taimi ua aga’i le kamupanī tele o le Mainland Poultry, e puipui le silia ma le 550,000 o a latou moa, aemaise moa taaloa i le fanua poo free-range hens, e ala i le taofi o moa i totonu o falemoa e puipuia ai mai le ono aafia.
Ua faamaonia e le Ministry of Primary Industries (MPI), i le taimi nei e lē o iai se moa o pamoa ua aafia i le faama’i, ma o loo saogalemū pea le taumafaina o fuāmoa ma aano o moa.
Ua faailoa foi e kamupanī e lē o iai se suiga i tulaga o sapalai poo le tau o fuāmoa i le taimi nei.
Puna o Faamatalaga: https://www.nzherald.co.nz/business/bird-flu-in-new-zealand-woolworths-reassures-shoppers-on-egg-supply/SDRIISLH7ZGCZATIYV64JZXABA/
