E 50 pasene le tariffs poo lafoga faaopoopo mo oloa auina atu mai Kanata ua folafola ane nei e Trump mo nisi o oloa mai lea atunuu ona ua ia ta’ua e tali atu ai i faiga lē talafeagai a Kanata i oloa e auina atu a Amerika e pei o taavale, ‘ava malosi ma isi oloa e gaosia mai le susu.
O totonu o le isi 30 aso o le a sosoo mai e faamamalu ai ia suiga ma e lē taumate o le a telē se aafiaga i fefaataua’iga i le va o ia atunuu tuaoi.
O le faamatalaga mai le Fale Pa’epa’e e pei ona lipotia e le BBC ua ta’ua ai o tariffs e talafeagai ina ia puipuia ai pisinisi Amerika.
O le a apalai foi ia lafoga faaopoopo i oloa feavea’i i le va o atunuu e 2 e lē afaina pe o ni oloa o loo aofia i le la maliega tau fefaataua’iga sa’oloto sa faia muamua lea e faaigoa o le USMCA.
O loo iai foi lava tariffs e 25 pasene a Kanata lava ia o loo tuuina i nisi o oloa mai Amerika e pei o le u’amea, alumini ma taavale.
Na faamata’u ane foi Trump e iu ina totogi foi e Kanata ni lafoga i le asu mai afi o loo sasao ane i ona togavao lea o loo lelea atu i aai lata ane o Amerika.
Puna o Faamatalaga: https://www.bbc.com/news/articles/cg4dzq3x3e1o
