O le Palemia o Ausetalia, Anthony Albanese ma lana uo tamaitai o Jodie Haydon ua amata faalauiloa mai a la fuafuaga ua iai mo le la faaipoipoga.

Ua lipotia se faamatalaga mai ia i la’ua ia o le faaipoipoga o se sauniga laitiiti i le taimi o le spring pe a mae’a le faigapalota.

Ua faailoa foi o le a auai ai o la aiga ma faamautūina ai a la ta’utinoga.

E lē o iai se finagalo o le alii Palemia e nini atu ai ma le polokiki i lo la aso faapitoa ua faatulaga, a lē o Aperila poo Me.

Ua faailoa foi i le 9News o le sauniga o le a lē faia i se malumalu Katoliko ae foliga o le a faatino i fafo mai o le malumalu.

Ma e mautinoa e iai le vaega tāua a le la ta’ifau o Toto o le a faia i lea sauniga.

Puna o Faamatalaga: https://www.smh.com.au/politics/federal/small-intimate-pm-and-jodie-haydon-reveal-wedding-plans-20250219-p5ldam.html