O tagata e to’alima o loo masalomia i Hong Kong i le faatauina ma le faailoaina o tusi e ono aofia ai ni tusitusiga e faasagatau i le faigāmalo, ua pu’eina e leoleo i le mae’a o le osofa’iga a leoleo i ni faletusi se lua.
Fai mai le Malo o tusitusiga o loo aofia i ia tusi e faaosofia ai le ita faasaga i le Malo, le faamasinoga ma ofisa e faamalosia le tulafono.
Ua ta’ua i le lipoti e iai tusi na aveesea mai e leoleo mai a latou osofa’iga i faletusi ia ma o le kulupu e to’alima e aofia ai alii e to’alua, 37 ma le 57 tausaga ma tama’ita’i e to’atolu e i le va o le 30-59 tausaga le matutua, ua masalomia lo latou solia o aiaiga tau le puipuiga i totonu o le atunuu.
Fai mai le BBC o loo taofia i latou i le taimi nei mo su’esu’ega ma afai ae faamaonia moliaga e ono nofosala i le falepuipui mo le 7 tausaga.
Ua lipotia e le BBC se faamatalaga mai le Amnesty International e faapea o osofa’iga ia ua faia i faletusi ua atili faamaonia ai le mea moni o le a tupu i lea atunuu, o se nofoaga e ta’u solitulafono ai le tagata ona o mea o loo teu i fatatusi.
Puna o Faamatalaga: https://www.bbc.com/news/articles/cq61660qpdpo
