Ua faamaonia mai e Amerika ua faia nei isi a latou osofa’iga faasaga ia Iran ma ua mae’a lapata’ia e Trump Tehran e tatau ona fai lelei ana amio.
Ua faamata’u iai Trump o le a pomu e Amerika alalaupapa ma nofoaga o malosi’aga tau eletise pe afai e lē toe aga’i ane ni sui o Iran i talanoaga i le vaiaso fou.
O se faamata’u foi faapea a Trump sa faia muamua i le masina o Aperila o le tausaga nei lava, na alia’e ai le mau faaseā mai kulupu tau aiā tatau a Malo Aufaatasi ma faailoa ai finagalo o i latou ia o ituaiga faamata’u faapea i lalo o tulafono faavaomalo o le osofa’i faamoemoeina o tagata lautele ma o latou si’omaga, o se soligatulafono tau taua (war crime).
E lē gata i lea ae i le taimi o le faasilasilaga lea a Trump na vaaia ai tagatānuu o Iran ua potopoto i luga o alalaupapa ma nofoaga tau malosi’aga ma a latou faailo, tutū faatasi ai e tetee i fuafuaga a Amerika.
O loo tulituliloa e le to’atele se isi laasaga o le a iai le matāupu lea i le va o Amerika ma Iran ua tele ona aafiaga i atunuu uma o le lalolagi.
Puna o Faamatalaga: https://www.bbc.com/news/articles/c9323zgq6wvo
