O le osofaiga a Isaraelu i se nofoaiga e umia e le vaega o leoleo a Gaza ma le Hamas, ua lipotia ua maliliu ai tagata e toafitu e aofia ai ma se leoleo sinia ma se tama’ita’i. Ua faailoa e molimau i le BBC o se drone na fana ane e Isaraelu i le nofoaga lea e lata ile vaega pisi ole maketi ile faaitu o Jabalia i le itu i matu o Gaza.
O se teritori lea o Palesitina ma ua faaleo ai le le fiafia ole toatele i le tulaga ua tulai mai.
O le faamatalaga a le militeri a Isaraelu e faapea e toatolu isi tagata faatupu faalavelave ua fasiotia ai i lea osofaiga.
O loo finau ane aiga o i latou ia e le o ni faatupu faalavelave. O isi osofaiga a Isaraelu na faia i le itu i saute o Gaza ua lipotia foi le maliliu ai o nisi e toalua atoa ai ma se tamaitiiti 10 tausaga; ua lipotia na fasiotia i taugafana a Isaraelu ma le Hamas i le pitonuu o Rafah.
Puna o Faamatalaga: https://www.bbc.com/news/articles/cqj1jqeyl5ro
