E 20 tausaga ose alii sa tuuaia i faalavelave faaaoga ai pomu afi i Melepone, ua lipotia i le vaiaso nei, sa faailo na ia faatino uma mai ia fuafuaga ma faufauga o osofaiga mai le fale o ona matua ile faaitu o Essendon i Vitoria.
Taua e le 9news o Jesse Hadchiti na ia faaaoga le isi igoa o Commbank e hire pe faafaigaluega ai tamaiti e faatino ia soligatulafono ogaoga i totonu o Melepone.
O le taeao ananafi na pue ai e leoleo mai le fale o ona matua ma tulai ai i le faamasinoga i le afiafi ananafi. Fai mai leoleo o le alii lea e pei o ia le middle man poo le tagata ogatotonu ia Ausetalia ma Sasae tutotonu faigaluega ai mo se syndicate e faaigoa ole The Commission.
O lea vaega faasolitulafono e faatonutonu e le alii Iraq o loo falepuipui o Kaz Hamad. E iai ma leisi alii talavou e 23 tausaga fai mai na sola ese ma Ausetalia ina ua maea ona ia tafanaina le sui ole kegi a le Mongol i le faalavelave na tupu i Fawkner i le 2022.
E tele moliaga ua feagai nei ma le alii lea o Jesse ua taofia nei i le vaaiga a leoleo a o faagasolo pea su’esu’ega.
Puna o Faamatalaga: https://www.nine.com.au/australia-news/vic/ordinary-kid-who-goes-to-the-gym-and-runs-an-empire-from-his-home-charged-over-melbourne-firebombings-20260714-p60fbz.html
