Ua folafola mai e le palemia o Papua Niu Kini, James Marape le toe fetuuna’i ai o lana Kapeneta lea ua lipotia ole a vaaia ai foi e ia le auaunaga o le Toefuata’ina, Correctional Services.
O lē sa iai i le tofiga lea o Joe Kuli lea ole a agai ese ma le Kapeneta.
I le lisi o Minisita ole a agai ese ma le Kapeneta ua lipotia e le RNZ e toa 6, o isi mafuaaga o le agai ese ona o tulaga tau le soifua maloloina.
Ua saunoa foi Marape e iai suiga ua faatulaga i auaunaga a le malo ina ia faaleleia atili ai auaunaga.
O nisi o ia suiga ole a faia i le Matagaluega o Tupe lea ole a avea e na o le pau lea ole ofisa ole a feagai ma le faagaioia uma o tulaga tau peimeni a le malo ma o latou faafoeina uma tulaga tau tupe i meafai a le Malo.
Ua saunoa foi Marape ua faatonuina minisita e aua le faatopetopeina tofiga e aofia ai faauluuluga o matagaluega ae ia iloilo lelei male toto’a.
Puna o Faamatalaga: https://www.rnz.co.nz/news/pacific/722302/papua-new-guinea-pm-announces-cabinet-reshuffle-government-reforms
