O le asō le aso muamua o le tūiga tele a le atunuu o loo faagasolo nei ina ia mautinoa ua fai uma tui puipui o le Koviti ai latou e agavaa e fai tui. 

O le Aso 23 ma le 24 o Setema lea na pasia e le Mālō e avea ma aso malolo mo le atunuu ae faagasolo lea tūiga tele. O loo taulamua le Mālō faapea ai ma le Matagaluega o le Soifua Maloloina ma nisi o matagaluega a le Mālō i lenei fuafuaga. Ua vaaia foi le iai o le fesoasoani o sui o afioaga taitasi faapea ma Falemai faaitumalo ina ia mautinoa le saogalemu o Samoa atoa mai le ono aafia i le pepesi o le Koviti 19. 

O Samoa o se tasi o atunuu i le lalolagi e le’i aafia lava i lea faama’i oti ma o le naunautaiga foi lea i le Soifua Maloloina ma le Mālō ina ia tumau ai pea le saogalemu o le atunuu ma ona tagata. 

I faamaumauga i le taimi nei ua 81.4% o i latou e agavaa e fai tui ua maea le tui muamua e tusa lea ma le to’a 99,163 le aofa’i, to’a 52,679 alii ma tamaitai e to’a 47,484. Mo le tui lona lua ua faamauina le oo atu i le 41.2% ua maea ona fai uma tui puipui e lua. 

O le faamoemoe maualuga o lea tuiga tele mo aso e lua ina faataunuuina tui puipui o le Koviti o i latou e tatau ona fai tui puipui mo le saogalemu