Fai mai le faigamalo a Vanuatu e le’i maua atu ni fesoota’iga aloa’ia ma le pulega o le faigamalo a Trump e uiga i le aofia o le atunuu i suiga tau femalagaa’iga aga’i i Amerika ma atunuu e mafai ona faataga le faimalaga atu o o latou tagata.

O Vanuatu le isi atunuu o loo aofia i le silia ma le 40 o atunuu ua lipotia o loo i luga o se lisi o loo vaavaaia e Amerika ma ua faia iai ni fetuuna’iga i tulaga tau femalagaa’iga.

Fai mai lea lipoti i le Reuters o Vanuatu la o loo lavea i le vaega tolu o lea lisi ma e na o Vanuatu foi le atunuu o le Pasefika o loo aofia ai.

Fai mai la sui o le malo Vanuatu e oo mai i le taimi nei e le’i iai se fesoota’iga aloa’ia ua faia ma Amerika i le mataupu ae e moni e tatau ona faia se talanoaga.

E lē o ta’ua se tali ane a le ofisa o le faigamalo a Amerika i lea mataupu.

Puna o Faamatalaga: https://www.rnz.co.nz/international/pacific-news/545281/vanuatu-defends-passport-scheme-in-face-of-travel-ban-reports