E to’afā sui fou o le komisi o faiga faatauvaga faapisinisi poo le Samoa Competition and Consumer Commission ua filifilia e le malo e pei ona faailoa lautele ai e le Matāgaluega o Pisinisi Alamanuia ma Leipa i lana upega tafa’ilagi.
O se tasi lea o itutino tāua i le vaaiga a lea matāgaluega a le malo, latou te māta’itūina tulaga talafeagai ma lelei e faatino ai tauvaga faapisinisi i totonu o le atunuu aemaise e latou te māta’itūina vaega e puipuia ai tagata e faatauina oloa poo consumers.
O le to’afā ua filifilia i lea komisi mo le umi e tolu tausaga o le tofa Tu’uu Anasii Leota o le ta’ita’ifono fou lea o le komisi, o le afioga Leuluaialii Tasi Malifa, tofa Seuamuli Talosaga Moors ma le tofa Fata Pelenato Ioane.
Ua faaopoopo atu ia sui filifilia i isi sui o le komisi e aofia ai le tofa Leaula Dr Desmond Amosa, o le susuga Papalii Malietau Malietoa, faapea le Pule Faatonu poo le Regulator ma le Ofisa Sili o le pulega o le Matāgaluega o Pisinisi Alamanuia ma Leipa.
