Ua faamaonia aloa’ia mai e le faia’oga ulu o le All Blacks ia Dave Rennie le avea ai o Sir Graham Henry e avea ma sui o ē filifilia tama taaalo o le ‘au tele, poo le vaega ua ta’ua o le selector.
Ta’ua e le faia’oga ulu ia Dave Rennie, ua tele taimi o la talatalanoa ma Sir Graham e tusa ai ma lenei avanoa, ma o se fiafiaga tele o le mafai ona auai mai o lē ua telē foi lona sao i le atina’e o le ‘au a le atunuu.
Mo le silafia o le alii o Sir Graham na avea ma faia’oga ulu o le All Blacks mai le tausaga 2004–2011, ma o lea na ia ta’ita’ia le ‘au na manumalo i le Ipu o le Lalolagi i le tausaga 2011.
O se tamalii ua iloga ana taumafaiga i le ‘au a le All Blacks ma lana ta’ita’iga o tama taaalo, ma o se mea na ta’ua e Rennie na tele lava iai le la faasoa.
Ta’ua e Rennie, e telē lava lona faatuatuaga ma le talitonuga i le tomai ma le agavaa o lea tamalii ma o le a tele foi nisi mea aogā, ma ni manatu lelei e tusa ai ma le faatautaiga o le ‘au ma tama taaalo.
Puna o Faamatalaga: https://www.1news.co.nz/2026/05/12/sir-graham-henry-returns-to-all-blacks-as-selector/
