Ua molimauina nei le aafia o itu pito i luga o North Island, i itu o Aukilani, o Northland ma vaega o le Great Barrier Island; e pei ona lipotia mai le lē mālōlō ai o le to mai o uga poo timuga mamafa, a o agai atu peau māmā o le ‘ea i gataifale o le Tasman Sea.
O lea na tuuina mai ai fautuaga o timuga mamafa e le Ofisa o le Vaaitau mo le Coromandel Peninsula mai le taeao analeila i le itula e 8 ma o le a faasolo atu i le 8 i le afiafi, faapea nisi o vaega o Bay of Plenty i sisifo o Kawerau mai le itula e 2 i le aoauli seia oo atu i le 3 o le vaveo o le Aso Tofi.
Ta’ua e sui o le vaaitau, e iai nisi o vaega o le a molimauina le oo atu i le 120 millimita o le suavai e pa’ū, pe a ma le 40 milimita e pa’ū i le itula; faaalia foi le ono faalogoina o le papā o faititili ma le emo o uila.
O loo mataituina nei le ono aafia i timuga mamafa i itu sasa’e o Northland, Auckland, Great Barrier Island ma nisi o itu ma nofoaga i le itumalo o Tasman.
O le a faalogoina foi le oo mai o le ‘ea malūlū e ono molimauina ai le pa’ū o le kiona i itu pito maualuluga o South Island. Ma ua fautuaina ai Lewis Pass, Porters Pass and Milford Road i le kiona e pa’ū i ia faaitu.
Puna o Faamatalaga: https://www.rnz.co.nz/news/weather/618664/weather-heavy-rain-in-auckland-northland-warnings-for-coromandel-bay-of-plenty
