O le Aso Toona’i muamua o Iulai o loo lumana’i nei o le a taunuu ai le isi vaa suāuu ma lana uta o penisini, kiso ma le kalasini mo Samoa, ma e lē o iai se faaletonu i lea auaunaga e pei ona faailoa foi e le komiti faufautua a le malo mo galuega fesoasoani i taimi o faalavelave faafuase’i faalenatura, aso e taunuu ai le vaa suāuu i le masina o Aokuso ma Setema.
Ua faaalia e le ta’ita’ifono o lea komiti faufautua, le Ofisa Sili o le Matāgaluega o Puna’oa Faalenatura ma Si’osi’omaga, o loo sologa lelei le tulaga i suāuu ma penisini maua i le atunuu, ma o loo faaauau foi ta’iala ua faataoto e le malo mo le faaaogāina o taavale a matāgaluega ma faalapotopotoga a le malo o loo utu uma i le pamu a le malo i Siusega.
Le Ofisa Sili o le Matāgaluega o Puna’oa Faalenatura ma le Si’osi’omaga ma o le ta’ita’ifono o le komiti faufautua a le malo mo tapenaga o galuega fesoasoani i taimi o faalavelave faafuase’i faalenatura le afioga Lealaisalanoa Frances Brown Reupena.
