E oo atu i le 4.8 le malosi o le mafui’e na lagonaina e le to’atele le lūlūina i le po anapo o le Aso Sa lea, i faaitu i le pito i lalo o North Island.
Ta’ua i ripoti mai le NZ Herald poo le itula e 11, pe tusa lea ma le 65 kilomita o Saute i Sisifo o Whanganui, i lona loloto e 55 kilomita.
Ua faaalia e le GeoNet, e lē oo i se tulaga mata’utia lenei mafui’e, ae ua na o sina lūlū lava, ae na lagonaina e le to’atele o le North Island, faapea foi itu o South Island.
E silia ma le 5,200 tagata na lipotia mai lo latou lagonaina o le mafui’e i le taimi na lūlūina ai e amata mai i Taranaki e aga’i atu i Manawatū… Ueligitone… Kāpiti… ma nisi o vaega o le South Island.
Faamatala e nisi o tagata lautele le malosi o le lūlū mai o le mafui’e mo sina taimi, ae mulimuli ane o latou faalogoina loa se vaega ua pei o loo taavalevale.
O isi e faamatala e pei na faalausosoo le lūlū o le mafui’e, lea na feala ai le to’atele o aiga na tofafā i le po.
I le taimi nei e lē o iai ni aafiaga poo nisi na manunu’a mai lea mafui’e.
Puna o Faamatalaga: https://www.nzherald.co.nz/nz/taranaki-at-centre-of-48-magnitude-quake-felt-by-thousands-late-at-night/ACBXGRQ4F5C7VCBVBCM5H6E7WQ/?utm_medium=Social&utm_campaign=nzh_fb&utm_source=Facebook&fbclid=IwY2xjawSuaPZleHRuA2FlbQIxMABicmlkETEyWFE5UlE4QXFYeEJTYlF6c3J0YwZhcHBfaWQQMjIyMDM5MTc4ODIwMDg5MgABHq-ax5Qhou0Q1obO54Q83nsem2a6uZXiZNINOaFl-PzyDBj6T5zYY6P1BgV__aem_X8Yv1jCUfSYvsujR0zOwgg#Echobox=1782672749
