Ua faailoa e sui o Amerika i le CNN sa tau fai faia osofa’iga a Amerika ma Iran i le faai’uga o le vaiaso ma ua taofia mo le taimi nei.
Fai mai lipoti mai lea sui o Amerika o loo faaauau pea talanoaga e ui o osofa’iga na alia’e i le faai’uga o le vaiaso mai itu uma e lua ua lamatia ai ma le maliega e le’i leva atu nei ona sainia mo le faamutaina o le taua ma le faaauauina o talanoaga mo le 60 aso.
Ta’ua e le sui lea o Amerika o loo mafai nei ona feoa’i sa’oloto vaa i le Strait of Hormuz peita’i e lē o atagia le maliega na faia i le mea o loo tula’i mai i lea nofoaga.
I Lepanona fai mai Iran e mana’omia lava le ōese uma mai o vaegā’au a Isaraelu mai le atunuu ma e tatau ona avea lea o se vaega o le maliega ma Amerika ona o le faaauau pea o fetauiga a Isaraelu ma le Hezbollah e atili aafia ai taumafaiga mo se filemu i lea itu o le lalolagi.
Fai mai ua malilie sui o atunuu e 2 e feiloa’i i Qatar i le Aso Lua o le vaiaso nei e toe faaauau ai talanoaga.
Puna o Faamatalaga: https://edition.cnn.com/2026/06/28/world/live-news/iran-war-strikes-trump
