E silia i le 60 afifi ua maua mai vaega eseese o le atunuu o Fiti, sa tafetafea atu i gataifale o motu o Fiti.
Fai mai leoleo Fiti e 27 afifi na maua i le faaitu o Lau ma o loo faia nei iai le su’esu’ega i le potu su’esu’e i Suva.
Na maua foi isi afifi e 35 o tafetafea i le motu o Munia.
Ta’ua foi e le RNZ o isi su’esu’ega muamua na maua ai se container kilia o loo iai totonu se pauta pa’epa’e ma ua faamaonia o le cocaine.
Ua fautuaina tagata o le atunuu e aumau i nofoaga tu matāfaga ina ia lipoti vave ane nisi afifi faapea pe a vaaia ma ia ‘alofia lo latou tatalaina ae logo vave leoleo.
Ua lagolago e le tele o Komesina o leoleo a le Pasefika le faalauiloaina o le Pacific Watch o le auaunaga e faaaogā ai upega tafa’ilagi e lipotia ai faiga faasolitulafono, ae ua faailoa e Niu Sila ma Ausetalia o le a o latou faatupeina se strike force poo se vaegā’au i Colombia latou te finau e tetee atu i le faatauina mai o fuālaau faasāina i le Pasefika.
Puna o Faamatalaga: https://www.rnz.co.nz/news/pacific/614885/dozens-of-packages-containing-white-substances-wash-up-around-fiji
