Ua maua nei le avanoa o le ‘au a alii i lalo o le 23 tausaga le matutua o le Black Sox a Niu Sila i le vaega ua ta’ua o le Super Round i le taamilosaga o le Ipu o le Lalolagi i le taaloga o le softball i lenei tausaga.
Na mafai ona faamauina le avanoa a Niu Sila ina ua manumalo i le la taaloga ma le ‘au a Czechia i ‘ai e 8 i le 4 i le vaega mulimuli o taaloga aloa’ia o le taamilosaga.
I ripoti mai le leitio faavaomalo a Niu Sila na ta’ua ai o se taaloga sa tatau lava ona manumalo ai, ona e le’i manuia taumafaiga a le Black Sox i lana taaloga ma Iapani.
O se taamilosaga ua molimauina ai le omai faatasi o nisi o tama taaalo ua faamauina le maoa’e o a latou taumafaiga i le lalolagi, o nisi ua iai i totonu o polokalame a ‘au maualuluga a o latou atunuu.
Faailoa le malosi o Niu Sila faatasi ai ma ‘au a Iapani ma Argentina i le latou vaega o le Group A.
Na amata faasolo le Ipu o le Lalolagi mai le aso 25 o Aperila ma o loo faatino pea se’ia oo atu i le aso 3 o Me.
Puna o Faamatalaga: https://www.rnz.co.nz/news/sport/593886/nz-men-book-super-round-spot-at-u23-softball-world-cup
