O le sui faatū a le Right Wing i Colombia, lea na lagolago iai Donald Trump, o Abelardo De La Espriella, ua faamautū mai o ia lava lea ua manumalo i le sa’iliga o se Peresetene o le atunuu ina ua mae’a le faitauga faai’u o le i’uga o le palota.
Ua lipotia foi e le CNN ua faailoa ane i se pepa o faamatalaga e le sui sa o la tauva o Ivan Cepeda ua ia taliaina le i’uga o le palota.
Ua ia faailoa foi lona taliaina o le i’uga o le palota, ae lē faapea o le a ia filemu ai i matāupu e ogaoga.
Ua ia upuia foi aafiaga mai fafo atu o le atunuu, mai ia Trump lea fai mai a ia, ua iai aafiaga i le ‘aupalota ona o lea tulaga faapea ma le AI.
O lē ua malo o Espriella ua 47 tausaga o le soifua ma sa avea ma loia i matāupu tau soligatulafono ma na te faaigoa o ia o Tiger; na te umia tusifolau Amerika ma Italia ae o se sitiseni o Colombia.
Tusia e Trump i luga o le upega tafa’ilagi a le Truth, ua manumalo mamao Espriella ma o le aso 7 o Aokuso e tatau ai ona tula’i mai i le tofi Peresetene o Colombia.
Puna o Faamatalaga: https://edition.cnn.com/2026/06/22/americas/abelardo-de-la-espriella-colombia-presidential-vote-intl
