E tasi le vaiaso o loo toesea ai ma le atunuu le ta’ita’i o le malo le afioga i le Palemia mo lana siaki faafoma’i i Niu Sila.
O le Aso Gafua o lenei vaiaso na tuua ai Samoa e le susuga Laaulialemalietoa Leuatea Polataivao Fosi le atunuu mo lana siaki faafoma’i, ma ua tauave ai e le afioga i le Minisita o Tupe i lona tulaga o le Sui Palemia le vaaia o galuega uma a le malo le afoga Mulipola Anarosa Ale Molioo.
O le amataga o le vaiaso na faailoa ai e le ofisa sooupu o le malo le toesea o le Palemia, ina ua mae’a taualumaga a le Palemene i le vaiaso ua mavae na pasia ai le tala autū o le tupe mo le tausaga faaletupe fou e amatalia i le masina fou o Iulai.
