O le aso muamua o le masina fou o Iulai ua fuafua e tatala ai le lesitala poo talosaga mo le Pacific Engagement Visa a Ausetalia le PEV e pei ona folasia mai e le Matāgaluega a le Home Affairs i le vaiaso nei.
Peita’i ua ta’ua i lipoti ua lē aofia ai le atunuu o Vanuatu i lea fuafuaga e ui ua lua tausaga sosoo o iai pea.
O le fuafuaga lea a Ausetalia e maua ai le avanoa e nofomau ai le tagata i Ausetalia ma faigaluega ma e oo atu i le 3000 tagata Pasefika i le tausaga e agavaa ai, o i latou ia mai atunuu e 11 o loo aofia i le polokalame.
Ua faailoa e le RNZ e faigatā ona saini Vanuatu i aiaiga o le visa ona o loo fetuuna’i se isi a latou maliega ma Saina.
O Samoa le isi atunuu o loo iai i le lisi o atunuu Pasefika o loo aofia i lea fuafuaga.
Ua ta’ua i le lipoti se faamatalaga mai ia Vanuatu e faatatau i le matāupu, ua ta’ua ai ua faia lenei faai’uga i se tulaga e una’ia malosi ae lē o ni faiga faapaaga.
O Nauru le isi atunuu e lē o aofia ai foi i le tausaga nei.
Puna o Faamatalaga: https://www.rnz.co.nz/news/pacific/598666/pressure-not-partnership-australia-excludes-vanuatu-from-pev-ballot
