Ua faasolo nei su’esu’ega a leoleo i se tagi na faaulu atu, o se faiga aiga fai faamalosi na feta’ua’ina le aafia ai o se tasi o tagata taalo soka mai atunuu mamao.
Faamauina o lenei faalavelave na tula’i mai i se tasi o faletalimalo i totonu o Aukilani.
I ripoti mai le NZ Herald, o loo ta’ua ai o le tagata taalo o loo aafia o se tasi e mai le ‘au a le Cape Verde, a o faatautaia ai taamilosaga soka “Four-team FIFA series”, e pei ona aofia uma ai Niu Sila, Finland ma Chile.
Faamaonia e leoleo na tuuina atu se tagi e faailoa ai ni tuua’iga ma o loo faasolo iai a latou as’ili’iliga.
Ta’ua na lipotia atu ia i latou lenei tagi i le aso 10 o le masina o Aperila 2026.
Ma e lē o mafai ona faailoa uma mai nisi o vaega ona o as’ili’iliga o loo faatino pea i lenei taimi.
I ripoti o le taamilosaga sa faatautaia i le aso 27-30 o Mati, ma o se taamilosaga na fesoasoani ai i le ‘au a le All-Whites ma a latou tapenaga mo le Ipu a le Lalolagi – le FIFA World Cup i le masina fou i Amerika.
Na malolo le ‘au a le atunuu ia Finland 2 i le 0, ae manumalo ia Chile i ‘ai e 4 i le 1 a lea atunuu.
Faamauina o le ‘au a Cape Verde e lona 69 i le lalolagi i le soka, ma o lea ua saofagā atu i le Ipu a le Lalolagi, o se tasi e iva iai atunuu mai Aferika, ina ua manumalo mai se vaega e aofia ai Cameroon, Libya, Angola, Mauritius ma Eswatini.
Na malolo i le la taaloga ma Chile ae tutusa ma Finland i le taamilosaga na faia i Niu Sila nei.
Puna o Faamatalaga: https://www.rnz.co.nz/news/crime-and-justice/594766/investigation-into-sex-attack-complaint-involving-international-footballer
