I le tuvae mai ai i le aso muamua o le masina o Iulai 2026 ma le amataga o le isi tausaga faaletupe, o loo faatalitalia e le faitau miliona i Ausetalia ni nai fesoasoani mai le malo e lē gata i matāupu i lafoga poo tax ae faapea foi i le super.
Ua faailoa o i latou uma o le ‘autotogi lafoga i Ausetalia o le a maua se faamāmā avega e amata atu i le asō.
Ua faaitiitia lafoga totogi mo i latou e i le va o le $18,201 – $45,000 le tupe maua i le tausaga ma o i latou uma foi e silia ma le $18,201 le tupe maua i le tausaga e ono toe maua se vaegātupe e ono oo atu i le $268, ae o le a maua foi le faamāmā avega mo tupe faaalu i mea tau galuega.
O le isi suiga ua amata faamamalu o le siitaga i totogi maualalo o galuega lea ua faamauina i le $26.44 sene i le itula, lona uiga o le tagata fulltime o le a silia ma le afe tālā e maua i le vaiaso.
O mātua o le a faaopoopo isi livi e 10 aso parental leave lona uiga ua agavaa mo le 26 vaiaso.
Ua siitia foi le tupe maua mo penefiti a aiga ma pe ā ma le 1.2 miliona aiga o le a penefiti ai mai ia suiga e amata atu i le asō.
Puna o Faamatalaga: https://www.nine.com.au/australia-news/the-winners-and-losers-from-the-july-1-financial-changes-20260630-p60bd9.html
