Ua aumai i tua i le taeao nei le faai’uga a le Faamasinoga o Faigāpalota ma ua toe faalēaogā ai nei le nofoa o le faipule o Vaimauga 3 lea na manumalo mai ai le afioga Lautimuia Afoa Uelese Vaai i le i’uga o le faigāpalota laitiiti na faia a lea itumalo i le masina o Me na te’a nei.
O lea la ua faamaonia o le a toe foi Vaimauga 3 i falepalota mo le taimi lona lua e toe filifilia mai sona sui faipule mo le Palemene, ae o le a lē toe mafai ai nei ona tauvā i la’ua uma ona faamaonia a la solitulafono o faiga faaālatua sa faatino a o aga’i atu i le faigāpalota a le itumalo.
