E lua mafui’e malolosi ua lūlū lata ane i gataifale i Mātū o le atunuu o Venezuela ma ua lipotia le iai o fale ua pa’ūū i le laumua o Caracas.
Fai mai le CNN o le lūlūga muamua e 7.2 le malosi na faamauina e lata i San Felipe i le te’a o le 6 i le afiafi taimi Venezuela ae toe sosoo atu ai ma le isi lūlūga i le 40 sekone mulimuliane, e 7.5 le malosi i le fua mafui’e faamauina i le itu i Saute o Yumare.
Fai mai le US Geological Survey e ono tele mea ua faaleagaina ma tagata o loo aafia.
O loo iai foi popolega i le ono iai o se tsunami e aafia ai gataifale o le atunuu.
Sa iai lapata’iga o le tsunami sa iai mo Puerto Rico ma Virgin Islands peita’i ua faalēaogāina.
Fai mai leoleo i Caracas e faigatā ona tuuina mai se fuainumera o tagata maliliu i le taimi nei se’i mae’a galuega lavea’i o loo faatino i nofoaga ua faaleagaina.
Puna o Faamatalaga: https://edition.cnn.com/2026/06/24/americas/venezuela-earthquake-latam-intl
