Ua fautuaina tagata femalagaa’i i Aukilani ina ia fuafua lelei a latou malaga i le faai’uga o le vaiaso fou i le aga atu i le faamanatuina o le Matariki, ona o le a tapunia le auaunaga o nofoaafi mo galuega tetele o loo faatino.
Ta’ua e le Auckland Transport, o le a tapunia le fesoota’iga o nofoaafi mai le aso 9 se’ia oo i le aso 12 o Iulai, ina ia faatino galuega mo le City Rail Link, poo le CRL.
O galuega e aofia ai le faaleleia o auala o nofoaafi, le fausiaina o alalaupapa fou i nofoaga o nofoaafi mo tagata feoa’i, ma le faatulagaina o taimi o femalaga’iga pe a tatala le CRL.
I le taimi e tapunia ai nofoaafi, o le a faaaogāina pasi e sui ai nofoaafi, ma o le a iai foi pasi faapitoa mo nisi o auala.
Ua una’ia tagata lautele e siaki muamua le AT Journey Planner a o le’i malaga.
Puna o Faamatalaga: https://www.times.co.nz/news/major-rail-works-and-timetable-trial-for-matariki-weekend/
