Ua sauni nei le United Nations International Maritime Organisation (IMO) e aveese mai le silia ile sefulutasi afe o seila o loo poloka ai lava i le Strait of Hormuz ona o le taua a Amerika ma Isaraelu faasaga ia Iran. Faailoa e le BBC saunoaga a le Failautusi Aoao o le IMO, Arsenio Domínguez, e faapea o le operation ua fuafuaina nei o le a faia faatasi ma Iran, Oman ma Amerika, faapea foi ma nai isi setete i gataifale o le atunuu atoa ma auaunaga tau maligi.
Na ia ta’ua ua mae’a faamautu o loo saogalemu tulaga uma tau le pupuiga e faataunuu ai lea faamoemoe. O le faaiuga ole vaiaso na tea nei na sainia ai le maliega e faamuta ai loa vesiga i Iran ae o loo iai lava vaega o loo fetotoa’i ai lava Amerika ma Iran.
Fai mai Amerika o le maliega na sainia ua faamaonia ai o lea asiasia e le International Atomic Energy Agency polokalame o auupega niukilia a Iran.
E lei leva ona mae’a faamatalaga a Trump i le mataupu lea ae faailoa ane e Iran ole a le mafai ona asiasia e le ofisa lea o malo aufaatasi o latou nofoaga niukilia ia sa pomu e Amerika ma Isaraelu.
Fai mai Amerika e leai e atunuu e mafai ona o latou faia ni totogi poo tolls i le Strait of Hormuz, o se ogasami faavaomalo ma o loo iai tulafono faavaomalo o loo ieoina ai.
Puna o Faamatalaga: https://www.bbc.com/news/articles/c24yr796emzo
