O le afiafi o le Aso Faraile i Samoa o le a faagasolo ai i le fale taalo o le Iunivesite aoao a Samoa se tasi o taamilosaga i le taaloga faipele o le a fetaui ai nisi o alo o Samoa ma nisi o alii fusu mai Fiti i ni paga faapolofesa.
O ia fusuaga o se tasi o polokalame lautogia o le Tuto’atasi ma o loo taulamua ai le faalapotopotoga o fusu’aga le Independent Boxing Samoa poo le IBS i se faiga faapaaga ma se alo tautua o le atunuu i le faipele le afioga Faumuina To’aletai David Tua.
O paga faapolofesa o le a fetaui ai Jolando Taala o Samoa ma Sainivalati Ratu o Fiti i le paga o le Cruiserweight.
O Saliuafi Ioane o Samoa o le a fetaui ma le alii Fiti o Eliseo Cakaunivalu i le paga o le Lightheavy Weight.
E valu isi paga faaopoopo o le a fufusu ai foi nisi o alo o le atunuu i alii ma tama’ita’i.
