Ua silia i le 1,700 i latou ua faamaonia ua maliliu i mafui’e i Venezuela ma ua lipotia e le ‘aufaasalalau a le CNN o loo i Caracas ma La Guaira lea o loo faaauau ai pea ona galulue le ‘aulaveai i nofoaga na solo ai ma faaleagaina fale.
O nisi o galuega lavea’i na lavea’iina ai se tinā ma sana pepe ua silia i le 3 aso o tanumia i fale na faaleagaina.
O loo talotalo foi leoleo talosia o le faaopoopo atu o le ‘augalulue fesoasoani mai fafo atu o Venezuela o le a fesoasoani tele lea i galuega faigatā o loo feagai ma i latou i lenei matātā.
O le tula’i mai o ia mafui’e tetele i le atunuu i le vaiaso talu ai ua faalogoina faatasi ai ma aafiaga o nisi o matāupu ua autausagā o aafia ai tagata e pei o le itu tau i le soifua mālōlōina ma ua tuua’ia ai e le ta’ita’i o le itu agai, Maria Corina Machado le faigāmalo i le taumafai e natia ia tulaga i tagata o le atunuu.
Puna o Faamatalaga: https://edition.cnn.com/2026/06/29/world/live-news/venezuela-earthquake-hnk
