Ua faagasolo nei talanoaga e sa’ili se nofoaga ina ia omai fanau a le Pasefika ua iai tomai ma taleni faaatisi poo Pasifika artists e faasoa atu ai o latou tomai ma taleni ina ia to’atele nisi Anapela ma nisi Vela i le lumana’i.
O lea ua auaufaataasi i la’ua na maua faailoga o ni atisi a le Pasifika, le tama’ita’i o Anapela Polataivao ma le alii o Vela Manusaute, i le valaau mo le fia maua o se nofoaga i Manurewa i Aukilani i Saute e amata ai ona a’oa’oina tomai faaatisi nei mo tupulaga talavou.
Ua naunau nei alo o Samoa, e faasoa o la tomai, ma ua iai foi ma le lagolago a le sui pulenuu o Manurewa, Deputy Mayor Desley Simpson, faapea le Manurewa-Papakura Ward Councillor, o Matt Winiata, e pei ona iai se latou fonotaga i le masina talu ai, ma ua taula’i atu ai i le uuna’ia o taleni a fanau talavou o loo amata ona iloa atu o latou tomai i nei taleni faaatisi (artist), ae tāua ona mautū lelei se nofoaga e tapuvaetasi iai a latou a’oa’oga ma faata’ita’iga.
Saunoa Simpson, o le mana’oga o Anapela, ia vaai atu ua taulau manuia le isi augatupulaga o sosoo mai i nei taleni e pei foi ona ua taulau manuia ai o ia, ma e faapena foi le lagona naunau o le alii o Vela.
O loo iai se nofoaga i Manurewa sa faaaogā muamua mo se auaunaga faafalema’i ae ua tele tausaga talu ona lē o toe faaaogāina, ma o lea ua aga’i iai fuafuaga e sa’ili se avanoa e lisi ai mo le faaaogā e faatino ai a’oa’oga mo tomai nei faaatisi mo tupulaga fai mai.
O se faama’ite e mautinoa o loo iai le lagolago a i latou uma i le Fono Faavae a Manurewa e pei foi ona saunoa iai le latou ta’ita’ifono, Heather Andrew, i le tāua o le iai o se nofoaga mautū i totonu o Manurewa mo lea fuafuaga tāua.
Puna o Faamatalaga: https://pmn.co.nz/read/local-democracy-reporting/deputy-mayor-simpson-backs-manurewa-arts-space-to-create-more-anapelas-more-velas
