Na faavave atu le aufaigaluega mo faalavelave faafuase’i i se faalavelave na tula’i mai ina ua toe pa’ū ifo se hot air balloon i Methven, na māfua ina ua lavelavea le paluni i ni laau.
O le te’a laitiiti o le itula e 8am i le taeao analeila na alu ane ai le valaau i le vaega a le fuimū ma faalavelave faafuase’i i lenei faalavelave, e pei ona ta’ua e le Shift Manager o lena vaega, o Blair Walklin.
E taunuu atu le vaega lavea’i, ua pa’ū ifo le paluni telē lenei i luga o le aualatele ma sa taumafai ai le vaega lavea’i e aveese mai le hot air balloon mai luga o le auala a o lavelavea ai foi i nisi o laau.
O le itu lelei, e le’i iai se tagata na faapea na mau ai i totonu, ae to’alua nisi na faia iai ni su’esu’ega i lo la saogalemū, ma e to’atasi na uma ane ua avatu i se medical centre i lena faaitu mo ni manu’aga mitimiti.
O nei hot air balloon e foliga mai sa auai i se vaega o se faaaliga e ta’ua o le Fire & Ice Hot Air Balloon Glow and Laser Festival sa faia ai i lena aai i le Aso Sa talu ai.
Puna o Faamatalaga: https://www.newstalkzb.co.nz/news/national/emergency-services-respond-to-hot-air-balloon-crash-in-methven/
