Ua faailoa i lipoti lata mai a le CNN faamatalaga mai ia Amerika e faapea o loo faagasolo pea feutana’iga ma Iran ma ua faasolo atu i le po talanoaga ae ua ta’ua foi sa lē fiafia se tasi sui o Iran ia Donald Trump ma lana faamata’u na fai i le ‘auusufono a Tehran.
Fai mai lipoti i se faatalanoaga na faia a Trump i le Fox News na ia ta’ua ai e ono toe amata ona faapā e Amerika pomu ma ave faamalosi le Strait of Hormuz pe a leai se maliega e taunuu iai talanoaga ma Iran.
Ua ta’ua e iai foi nisi matāupu e faatatau lava i lea nofoaga ua toe alia’e mai e ui ua mae’a sainia le maliega talu ai nei na malilie uma ai o le a tatala le Strait of Hormuz.
O le matāupu e faatatau i fetauiga a Isaraelu ma le Hezbollah lea e lagolago e Iran.
O le isi lea matāupu o loo fai ma faalavelave ona o lea ua faapea ane Tehran e tatau lava ona faamuta muamua osofa’iga a Isaraelu i Lepanona ona faato’ā toe faaauau lea o ni talanoaga i lea matāupu.
Ua vaaia le toe siitia o le tau o le suāuu aemaise i le mae’a o le faamata’u a Trump e pei ona lipotia.
O loo faatalia nei la talanoaga o loo faagasolo pe ua mae’a moni ea lea matāupu pe o le a toe faifaitetele ane foi.
Puna o Faamatalaga: https://edition.cnn.com/2026/06/21/world/live-news/iran-war-trump-israel-lebanon
