O le Fono Faavae a le itumalo o le Vaimauga 4 ua latou faailoa lautele i lana upega tafa’ilagi le tatala o le avanoa i tagata palota o le itumalo e talosaga atu ai i le faia o galuega moavao ma faamamā tafatafā ala o le itumalo.
O se tasi lea o avanoa e maua ai galuega e totogi ma tafe atu ai i tagata o le itumalo faamanuiaga tau seleni.
Ua faailoa e lea Fono Faavae e mafai ona talosaga tagata palota o le itumalo o loo iai masini ma meafaigaluega e faatino ai lea galuega, aemaise o le isi itu tāua o le umia o se laisene e faagaioia ai se pisinisi.
Ae i le taunuu mai i le aso mulimuli o le masina o Iuni e mae’a ai le tausaga faaletupe 2025 i le 2026, o le aso mulimuli lenei e maua ai le fesoasoani e 150 tālā mo le toe a’e o a’oga lea o loo totogi atu e Fono Faavae a itumalo palota uma e 51.
O le avanoa mulimuli foi lea ua ave e le Fono Faavae a Faleata 4 i o latou tagata palota e to’asefulu na tala faalua le 150 tālā e oo atu ai mo le faatalanoaina o lea tulaga, ma le tuutuuga e ave i le komiti tele o le poloketi o le atina’e o le manuia o itumalo pe a lē usita’ia lea avanoa mulimuli.
