Fai mai e mamafa osofa’iga na aafia ai Kyiv mai le po anapo ae le’i leva ona lapata’i ane le Peresetene o Zelensky o loo iai faamaumauga o loo faailoa ai le fuafua ane o se osofa’iga tele a Lusia.
Ua faailoa e le CNN faamatalaga mai sui i totonu o Kyiv ua ta’ua ai o missiles ma drones na faaaogā ane e Lusia i le po anapo ia Ukraine na faaleagaina ai nisi o fale o aiga ma e to’atasi se tagata na maliu ai ma le silia i le to’a 10 o loo manunu’a.
O loo faatino galuega lavea’i i nofoaga ua faaleagaina ai fale.
Ua fautuaina e Zelensky ona tagata ia matua’i faaeteete ona ua fai si leva ona tapena Putin ma Lusia i se osofa’iga tele ia Ukraine.
O ananafi na faia ai se faamatalaga a Putin i sana faatalanoaga na ta’ua ai le iai o mea ua iloga ai osofa’iga a Ukraine ia Lusia ae o lea la ua toe tali ane ma o loo tālia se isi lipoti lata mai o lea matāupu.
Puna o Faamatalaga: https://edition.cnn.com/2026/07/01/world/russian-strikes-kyiv-zelensky-intl-hnk
