Ua manino mai nei a itiiti mai pe 188 i latou ua maliliu ma le to’atele o loo manunu’a i mafui’e na lūlū i Venezuela i le aso ananafi.
E oo mai i le taimi nei o loo faia pea sa’iliga mo nisi masalomia o loo tanumia i nofoaga ua to’ulu ai fale ma faigatā ona aga’i ese mai ai tagata.
Fai mai le BBC o Caracas ma le aai lata ane o La Guaira lea o loo tele ane ai le valaau mo se fesoasoani ona o le tele o fale ua faaleagaina.
O mafui’e e lua pei ona lipotia atu ananafi, 7.2 ma le 7.5 le malolosi i le fua mafui’e ma ua lipotia e to’atele ua leai ni fale ona o aafiaga o mafui’e, e fai si loloto.
E tele atunuu ua ofo atu fesoasoani mo Venezuela amata ia Amerika lea ua ofo ane le $150 miliona o le tau o fesoasoani.
Puna o Faamatalaga: https://www.bbc.com/news/articles/cjegdqw5d3yo
