E lē na o le Moana Pasifika le kalapu o loo feagai ma lu’itau o le tapunia talu ona amata mai le taamilosaga o le Super Rugby Pacific i le 2022.
O loo ta’ua i tusitusiga a le Radio NZ, o le Melbourne Rebels le isi sa iai foi i lea tulaga i le faai’uga o le 2024.
Ua faailoa o le fonotaga faaletausaga a le NZ Rugby i le vaiaso talu ai na faailoa ai o kalapu uma e 5 a Niu Sila i le taamilosaga e aofia ai le Blues, Chiefs, Crusaders, Highlanders ma le Hurricanes sa mana’omia foi tupe i le 2025.
Mo le Moana sa o latou faailoa i lipoti ua tuana’i, o se faai’uga faigatā tele lea ua faia e tusa o le lē mafai ona toe faaauau i le taamilosaga ma e faafetaia tama taaalo faapea le aufaigaluega ma le komiuniti mo le lagolago.
Ta’ua i le lipoti e le Ofisa Sili o le Kanaloa Consortium, Tracy Atiga i le RNZ, o le aso a taeao 15 o Me e faagata ai le tuuina atu o le latou proposal i le NZR mo le faasaoina mai o le Moana Pasifika.
O loo ta’ua i le lipoti ua mae’a faailoa e le NZR o loo avanoa latou mo ni fuafuaga e mafai ona faasaoina mai ai le Moana Pasifika.
Puna o Faamatalaga: https://www.rnz.co.nz/news/pacific/595186/the-tug-of-war-for-moana-pasifika-who-will-blink-first-to-save-the-club
