O loo valaau nei leoleo Ausetalia mo se fesoasoani i le sa’ilia o le ‘ausolitulafono o loo aofia i le uta tele o le fuālaau faasāina o le cocaine e oo lona tau i le $36 miliona Ausetalia, o le uta o loo feta’ua’ina sa nanā mai i totonu o se container la’uoloa na aumai ai frozen berries.
O le vaega a le Australian Border Force (ABF) na mauaina lea uta i totonu o le container mālulū lea mai Chile, sa iai i Port Botany ua taunuu mai i le faaitu i Saute o Sini i le Aso Lulu o le vaiaso talu ai.
Na valaau ane ai loa ma le Federal Police a Ausetalia ma iloa ai e 110 afifi o le pauta pa’epa’e na maua o nanā mai totonu o le container sa fuafua mo le itu i Mātū i Sisifo o Sini.
Ua faamaonia i siaki na faia o le cocaine e oo lona tau i le 36 miliona.
O loo talosagaina foi le fesoasoani a le atunuu i le sa’ilia o i latou o loo i tua o lenei gaioiga.
O le faamatalaga a leoleo ua aga’i i luga le aofa’i o ituaiga containers faapea ua faaaogā e le ‘ausolitulafono e nanā mai ai fuālaau faasāina i le atunuu.
Puna o Faamatalaga: https://www.nine.com.au/australia-news/nsw/cocaine-worth-36-million-seized-from-frozen-berry-shipment-20260628-p60ap9.html
