O se vaa la’uoloa na lavea i se drone ua feta’ua’ina na fana atu e Iran i le Strait of Hormuz a o faagasolo le operation o le aveesea mai o le faitau afe o seila na poloka ai i luga o vaa i le nofoaga lea talu ona amata le taua i Iran.
Ua faailoa i lipoti a le CNN i le asō o loo feta’ua’ina o le drone na fana atu e Iran e ui latou te le’i faamaonia ane lea tulaga.
O se sui o Amerika na ia faailoa ane ia faamatalaga i le CNN ae ua faailoa foi e le United Kingdom Maritime Trade Operations o se vaa la’uoloa lea na āfaina i le drone lea, ma e le’i iai se soifua na aafia ai poo se faaletonu foi i le si’osi’omaga ae ua faia nei le su’esu’ega.
O loo tālia se faamatalaga mai le Fale Pa’epa’e i lea tulaga aemaise ua taofia ai lē tumau ma le operation a le ofisa o Malo Aufaatasi o loo faia i le aveesea mai o seila ia sa poloka ai lava i le Faga i Peresia talu ona amata le taua.
Ua faailoa i le asō le pa’ū o le tau o le penisini i se tau aupito maualalo talu ona amata le taua ma le tapunia o le Strait of Hormuz.
Puna o Faamatalaga: https://edition.cnn.com/2026/06/25/middleeast/un-pauses-hormuz-evacuation-after-us-says-iran-behind-attack-intl-latam
