O le Autonomous Bougainville Government poo le ABG ua iloa ai le faigāmalo a Bougainville ua o latou faamautū mai lona tulaga o le a iai i le faapolokiki ma ua folafola mai ai ni vaega se 3 ua faatulaga mo le aga’i atu i le pulea e latou o latou lava se’ia oo ina tuto’atasi.
O le Peresetene o Ishmael Toroama na ia folasia lea tulaga aga’i i le vaega o loo māta’itūina lea fuafuaga, le independent facilitator o loo vaaia feutana’iga ia i le va o Bougainville ma Papua Niu Kini.
Ua ta’ua e le RNZ o loo faaauau pea tapenaga a Bougainville mo le faamoemoe o le puleaina e latou i latou lava ma o tapenaga e faaauau pea se’ia oo ia Setema 2027 ona amata faamamalu loa lea o le puleaina e latou o i latou lava se’ia oo i le 2030 e faamautūina ai lo latou tuto’atasi pe a sologa lelei pea mea uma.
Ta’ua e le alii Palemia o lenei faiga ua faia ia faatumauina ai pea le nofo filemu ma faaaloalogia ai pea faai’uga faatemokalasi e pei ona finagalo iai le to’atele o tagatānuu.
Puna o Faamatalaga: https://www.rnz.co.nz/news/pacific/620515/bougainville-sets-out-three-stage-proposal-for-full-independence-by-2030
