Ua lapata’ia e le MetService le mamalu lautele i le ono aafia ai o nisi o vaega o Niu Sila i timuga mamafa, matagi malolosi o le Tuaoloa, ma le kiona i le amataga o le vaiaso fou.
Ua iai nei lapata’iga mo timuga mamafa i nisi o vaega o le South Island mai le Aso Faraile, peita’i o loo iai nisi o faamaumauga o le tau o le a iai i le vaiaso fou e ono vaaia ai le malosi mai o tulaga loulouā o le tau.
O loo faamauina i faamaumauga a le ‘auvaaitau o loo faamoemoe e aafia Marlborough, Wairarapa, ma North Canterbury i ni timuga mamafa mai le Aso Gafua e oo atu i le Aso Lua, ma e ono pa’ū foi le kiona i nisi o nofoaga maualalalo.
Ua valo’ia foi matagi malolosi mo nisi o vaega o Canterbury.
Ua fautuaina tagata lautele ina ia māta’itū pea faamatalaga ma fautuga e tuuina atu e tusa ai ma tulaga o le tau ma ia faaeteete tulaga o feoa’iga.
Puna o Faamatalaga: https://www.stuff.co.nz/nz-news/361001378/potential-high-impact-rain-event-looms-parts-country
